Ny positiv koronaprøve i Gol - nærkontaktar er sett i karantene
Gol har vore hardt råka av koronaviruset. Torsdag fekk kommunen sitt 43. smittetilfelle i haust.
Tilfellet er under god kontroll, fortel kommuneoverlege Jagannivasan Thurainayagam.
– Det er snakk om innreisesmitte. Testen vart tatt 7. november, og me fekk informasjon om positiv prøve i dag. Vedkommande har vore i karantene heilt sidan ankomst, så det er ryddige forhold, seier Thurainayagam.
Artikkelen held fram under annonsen.
Personen som er smitta er meldt å vere god i form.
Nærkontaktane, som er medlemmer i same husstand, er sett i karantene.
– Me har kontroll over denne situasjonen, seier Thurainayagam.
I løpet av hausten har ei koronabølgje råka Gol. No har utbrotet flata ut, men det tikkar framleis inn enkelte tilfelle.
Her er oversikten over kor mange som har blitt smitta av koronaviruset i Hallingdal i haust:
| Kommune | Tal på smitta |
| Flå | 3 |
| Nesbyen | 8 |
| Gol | 43 |
| Ål | 15 |
| Hemsedal | 6 |
| Hol | 3 |
