Nok eit tilfelle av koronasmitte bekrefta i Gol
Fredag kveld tikka det inn nok eit positivt prøvesvar på Gol, eitt døgn etter det førre.
Torsdag kveld kunne kommuneoverlege Jagannivasan Thurainayagam fortelje at ein person var koronasjuk i Gol. Samstundes fortalde han at nærkontaktane var sett i karantene, og at det var god kontroll på situasjonen.
Det vart tatt testar i samband med smittetilfellet, og fredag kveld kom det tilbake eit positivt prøvesvar.
Artikkelen held fram under annonsen.
– Testen vart tatt på torsdag. Det har samanheng med det tilfellet me hadde i går, fortel Thurainayagam.
– Smitteverntiltak var alt i verkssett, seier kommuneoverlegen vidare.
Personen som no er bekrefta smitta er i heimeisolasjon. Formen er meldt å vere god.
– Det er ingen definerte nærkontaktar etter kartlegging, seier Thurainayagam.
Gol har dermed fått sitt tredje smittetilfelle etter sommaren. Det første kom i slutten av august, det andre kom altså på torsdag.
Smittekjelda for det bekrefta tilfellet torsdag var meldt å ikkje vere lokal.