Kommuneoverlege i Gol kommune, Jagannivasan Thurainayagam. Foto: Elias Dahlen

Ein person koronasmitta i Gol

Laurdag fekk Gol sitt første positive tilfelle av koronasmitte sidan påske.

– Testen vart tatt i går, og me fekk svaret i dag. Me har ei aning om kva smittekjelda er, seier kommuneoverlege Jagannivasan Thurainayagam til Hallingdølen laurdag ettermiddag.

Han fortel at den som no er koronasjuk, ikkje er smitta lokalt.

– Vedkommande er i heimeisolasjon, og i fin form. Det er snakk om ein nærkontakt, og denne er sett i karantene, fortel Thurainayagam.

Han seier vidare at dei har god oversikt og kontroll over situasjonen.

Dagens smittetilfelle er det tredje i Hallingdal etter sommaren. Frå før er ein person i Hol og ein i Ål bekrefta smitta.

Les også
Ein person koronasmitta i Hol
Les også
Ein person koronasmitta i Ål