Bjerkrheim gjekk seg opp
Kjetil André Bjerkrheim klatra på listene under jaktstarten i student-OL.
LANGRENN: Bjerkrheim (Nesbyen/Team Hallingdal) gjekk ut som nummer 32 då herreløparane gjekk ti km fristil tysdag.
23-åringen var to minutt og 23 sekund bak leiaren før start i Almaty. Utover i løpet gjekk han seg opp to plassar, men tapte tid til teten. Til slutt vart han nummer 30, +4:43.0 bak Dmitry Rostvtsev frå Russland, som vann.
Artikkelen held fram under annonsen.
Ole Hulbak (Hemsedal) starta tre minutt og 12 sekund bak teten, og gjekk ut som nummer 50. I mål var han nummer 69, nesten ni minutt bak teten.
Torsdag er det nytt løp for langrennsløparane. Då står sprint på programmet.
Då skal også Nille M. Norhaug Faleide frå Gol i aksjon, då skøyteløparane går 500-meter. Universiaden (student-OL) er rekna som det største idrettsarrangementet i verda i år, og samlar utøvarar frå heile verda til konkurransar over to veker.
