Lilleaas i sterk monolog
Når «En jente er en uferdig ting» for første gong blir sett opp på ei norsk teaterscene, er Inga Ibsdotter Lilleaas i den store kvinnerolla.
«En jente er en halvferdig ting» er sett opp som teater i ei rekkje land, men når Akershus Teater har tatt tak i stykket er det første gong det skjer på norsk jord.
I den einaste rolla finn me Inga Ibsdotter Lilleaas.
Artikkelen held fram under annonsen.
Den fleire gonger prislønte debutromanen «A Girl is A Half-formed Thing» (2013) av Eimear McBride er oversett til norsk av Caterina Cattaneo.
Monologen er ei skildring av ei ung jentes oppvekst. Publikum får innblikk i hennar forsøk på å finne fotfeste, og hennar kamp for retten til eit liv.
Det er ei sterk historie, der religiøsitet, kjærleiksløyse, incest og einsemd er blant ingrediensane. Jentas bindeledd til livet er ein eldre kreftsjuk bror. Søskenkontakten oppstod alt då ho var i moras mage.
Trass i alt mørket finst det også bittersøt overlevingshumor, heiter det i førehandsomtalen. Annie Ryan har dramatisert romanen. Det er den erfarne instruktøren Trond Lie som har regien.
Stykket har premiere 27. januar på Lillestrøm kultursenter. Litteraturhuset Oslo, Ullensaker, Logen i Bergen, Asker kulturhus, Papirhuset teater i Tønsberg, Bærum kulturhus og Drammen teater får også besøk i løpet av månaden som følgjer.
