Torsdag førte ein stor lekkasje i hovudvassleidningen til at abonnentane i Gol sentrum mista vatnet i kring ein time. Mens kommunen jobbar med å lokalisere feilen, får folk vatn frå ein annan vassleidning. Kommunen tilrår at innbyggjarane kokar drikkevatnet.
Torsdag førte ein stor lekkasje i hovudvassleidningen til at abonnentane i Gol sentrum mista vatnet i kring ein time. Mens kommunen jobbar med å lokalisere feilen, får folk vatn frå ein annan vassleidning. Kommunen tilrår at innbyggjarane kokar drikkevatnet. Foto: Egil Blomsø

– Vatnet er trygt å drikke

Torsdag var det ein større lekkasje i hovudvassleidningen i Gol. Folk vart oppmoda om å koke drikkevatnet.

Tor Folgerø
Publisert: 31.05.2019 18:00 Sist oppdatert: 21:16

Lekkasjen vart oppdaga ved 12-tida Kristihimmelfartsdag. Sentrumsområdet mista vatnet i kring ein time, før det på nytt rann vatn i springen.

Tilfredsstillande vatn

Brotet på vassleidningen førte til at vassverket auka kloringa for å ta knekken på eventuelle mikroorganismar. I tillegg sende kommunen ut kokevarsel. 

Artikkelen held fram under annonsen.

Fredag ettermiddag var analyseresultatet av vassprøvane klare.

– Me har fått svar. Vassprøvane viste tilfredsstillande resultat. Difor er kokevarselet oppheva, seier Elin Tangen, leiar på kommunalteknisk avdeling i Gol kommune.

Forsyninga via to leidningar

Gol har eit ringleidningssystem som inneber at sentrumsområdet kan få forsyning frå hovudvassverket via to ulike leidningar. Mens kommunen dreiv feilsøk på hovudleidningen, fekk sentrum vatn frå den andre leidningen.

– Dette er eit system som sikrar forsyninga, seier Tangen.

NYHEITER