Traktorlast var for tung, bilhengar med slite og skadd dekk
Statens vegvesen gjennomførte torsdag trafikkontroll i Hallindal.
Det vart kontrollert 14 tungbilar og to lettbilar. To køyretøy fekk køyreforbod.
Ein varebil med hengar vart stoppa i Gol sentrum. På hengaren var det ein to tonn tung vals. Bilen vart teken med til kontrollstasjonen for sjekk. Køyretøyet hadde eitt skadd dekk og eitt blankslite dekk. I tillegg var det overlast med 500 kilo. Det vart gjeve køyreforbod.
Artikkelen held fram under annonsen.
På Rv7 i Ål vart det stoppa ein traktor som var 3850 kg tyngre enn tillate. Ein hengar kan vege maks 1,5 gonger traktorens totalvekt.
Vegvesenet kontrollerte også ein del tyngre køyretøy for køyre- og kviletid, med gode resultat. Sjåførane heldt seg innanfor regelverket.
