Toppar skisenterkåring
Det er ikkje første gongen at Hemsedal Skisenter toppar DN si kåring som Norges beste skisenter.
Måndag skjedde det igjen. Hemsedal er Norges beste alpinanlegg, i konkurranse med 200 andre. Trysil blir av Dagens Næringsliv rangert som nummer to, med Geilo på tredje. Det er opp ein plass frå i fjor. Oppdal rasar ein plass ned. Norefjell klatrar opp frå plass nummer 15 til nummer 12.
Før årets sesong har Ski-star investert kring 15 millionar kroner i ein ny skibakke mellom skianlegget og Hemsedal sentrum. I Norge er det Trysil, Hemsedal og Kvitfjell/Hafjell som er dei største vintersportsstadene. Men fleire av dei mellomstore anlegga satsar også. Både Røldal i Hordaland og Gautefall i Telemark investerer i nye ekspressheisar i år. Dermed vil også dei ta unna meir folk utan at det blir kø.