Statskog sel til høgstbydande
Det har kome inn sju bod på Dalføret. – Så langt er høgste bod 4 millionar.
Det fortel Nils Lygre, som er salsansvarleg i Statskog.
Tappa for verdifull skog
Han seier det er oppdaga ein feil som fører til at bodrunden blir forlenga til det blir lagt fram ny takst.
Artikkelen held fram under annonsen.
– Skogverdien er kanskje lågare enn det me fyrst trudde. Det var tatt ut skog, som ikkje var registrert i taksten, seier han.
Torsdag bestilte Statskog ny takst av eksterne takstfolk. – Alle bodgjevarane er orientert om feilen og får høve til å revurdere boda, seier han.
Høgste bod vinn
– Har Statskog høve til å selje til ein lågare pris for å vise samfunnsansvar og sikre allmenne friluftsinteresser?
– Miljødirektoratet har forkjøpsrett til skogområde som er verneverdige. Dei har ikkje meldt interesse for denne skogeigedomen. Utover det, er me pålagt å selje til høgstbydande, seier Lygre. Han reknar med at kjøpet vil vere avslutta i god tid før jul.