Nygård meiner det er lite å spare på å bygge veg og bane saman - no krev ordførarar at han legg fram tal
Ordførarane rundt Ringerike ber samferdselsministeren dokumentere påstanden sin om at gevinsten ved å bygge Ringeriksbanen og E16 saman er mindre enn antatt.
Bakgrunnen er at Nygård i forslag til statsbudsjett vil ta frå Nye Veier gjennomføringa av Ringeriksbanen og overføre prosjektet til Bane NOR. Ny E16 Skaret-Hønefoss blir verande i Nye Veier.
Artikkelen held fram under annonsen.
Oppsplitting av fellesprosjektet blir i beste fall tolks som ei utsetjing av Ringeriksbanen. I verste fall at prosjektet blir skuva ut i det blå eller skrinlagt.
Krev dokumentasjon
Nygård uttalte i samband med budsjettframlegginga at Nye Veier har gjort ein god jobb med å optimalisere prosjektet og finne løysingar for å redusere kostnadene for både veg og bane.
Det er denne gjennomgangen som viser at gevinstane ved å bygge dette saman ifølgje Nygård skal vera lågare enn antatt.
Dette er utsegn ordførarane krev å få dokumentert:
«Nye Veier opplyser at de ikke har en dokumentasjon for denne påstanden, og henviser til Samferdselsdepartementet. Spørsmål: Hvilken dokumentasjon har du på at gevinstene ved fellesprosjektet er lavere enn det man tidligere har antatt?», spør ordførarane i lesarinnlegget.
Har ikkje fått svar
Det er fleire som har undra seg over denne slutninga til samferdselsministeren. Hallingdølen har stilt same spørsmålet til Nygård og Samferdselsdepartementet, men har førebels ikkje fått noko svar frå statsråden.
No følgjer altså ordførarane rundt Ringerike opp og krev svar.
Det same gjer LO og NHO i Viken som i eit lesarinnlegg: Samferdselsministeren må komme på banen og fortelle regionen hvordan fremdriftsplanen i prosjektet skal holdes, fremfor å legge opp til et stigespill om samferdselsprosjektene i Viken, skriv organisasjonane saman med Ringerike næringsforening.
Artikkelen held fram under annonsen.
Ordførarane rundt Ringerike meiner splitting av oppdraget mellom Nye Veier og Bane NOR er eit strategiske grep som skaper stor usikkerheit rundt fellesprosjektet og den vedtekne statlege reguleringsplanen.
Ordførarane er langt frå fornøgd med dialogen med Nygård, og stiller fleire kritiske spørsmål. Blant anna dette:
«Mener du at Ringeriksbanen må skrinlegges en gang for alle?»
Brukt fem milliardar
Ordførarane spør også om Nygård gav instruks om at Ringeriksbanen skulle haldast utanfor då Jernbanedirektoratet i sommar la fram si rangering av åtte nasjonale jernbanesatsingar. Dei spør kvifor samferdselsministeren ikkje lyttar meir til faglege råd frå Nye Veier. I innlegget viser dei til at det alt er brukt 2 milliardar kroner til planlegging og førebuande arbeid samtidig som Ringerike kommune har investert 3 milliardar for å førebu storutbygginga.
«Hvordan forsvarer du, på vegner av regjeringen, denne offentlige pengebruken når fellesprosjektet i statsbudsjettet, i praksis settes tilbake til start?», spør ordførarane rundt Ringerike.