Moderat skredfare

Snøskredvarslinga melder om lokalt ustabile forhold i region Hallingdal, spesielt i vest.

Nysnø og vind har danna nysnøflak, spesielt lengst vest i regionen. Det finst ustabile fokksnøflak i fjellsider som vender mot aust og søraustleg retning. Den ferske vindtransporterte snøen kan binde seg dårleg til underliggande skare, spesielt høgt til fjells. Her kan ein enkelt skiløpar svekke stabiliteten i snødekket slik at det kan losne som snøskred. Ver merksam på sprekkar i snødekket og mindre ferske skred. Dette er klare indikasjonar på ustabilitet. Hald avstand til kvarandre ved ferdsel i bratt terreng, skriv nettstaden varsom.no.