Ein smitta i Ål - smittekjelda er ukjent
Ein person har fått bekrefta koronasmitte i Ål. Tre personar er sett i karantene.
– Det er førebels usikker smitteveg, men mest truleg er vedkommande smitta utanfor Hallingdal, fortel kommuneoverlege Toril Bøyum.
Den smitta testa seg i Ål måndag. Tysdag kom svaret att positivt. Smittesporarane starta å jobbe, og fekk sett tre nærkontaktar i karantene.
Artikkelen held fram under annonsen.
– Nærkontaktar utanfor Hallingdal er under kartlegging, fortel Bøyum.
Sporarane er ikkje ferdig med arbeidet enno. Dei jobbar framleis med å kartlegge nærkontaktar bakover i tid, for å sjå om dei kan greie å identifisere smittekjelda.
Smittetilfellet er det andre på få dagar i Hallingdal. I helga vart ein person bekrefta koronasmitta i Nesbyen. Der vart 11 personar sett i karantene.
