- Dette er overveldande bra
Over 1.100 elevar innom og 68 utstillarar. Det er ny rekord for yrkesmessa i Hallingdal.
- Me har tilbydd lærlingsplassar på direkten! Og både næringslivet, det offentlege og utdanningsinstusjonar er her, seier Ulrikke Ytteborg i Regionrådet for Hallingdal.
Sidan år 2000 har yrkesmessa for Hallingdal blitt arrangert annakvart år. Storefjell stiller med lokale.
Artikkelen held fram under annonsen.
For regionrådet er dette ei av dei store satsingane på ungdom.
- Det er så mange spennande jobbar i Hallingdal, det får ungdommane opp augo for her, meiner Ytteborg.
Det har brukt å vera stor oppslutning om yrkesmessa, både blant bedrifter og besøkjande, men Ytteborg tykkjer årets utgåve skil seg ut:
-Det er meir dialog mellom utstillarane og elevane. Og sidan det er slik at ein del jobbar aldri blir lyst ut, er det slett ikkje dumt å gjera seg kjent med det som finst, og knyte kontaktar.
