Her har dei landets beste snøbrettpark: – Det er nye idear og planar på teikneblokka
Andreas Håtveit var ein framifrå skikøyrar. Saman med SkiGeilo lukkast han ganske bra som sjef for brettparken også.
Så godt at Brettforbundet (tidlegare Norges Snowboardforbund) kåra parken til skisenteret til årets park i 2021. Utdelinga skjedde under NM i Uvdal og Geilo i helga.
– Utruleg artig, seier parksjef Andreas Håtveit.
Artikkelen held fram under annonsen.
Meir på gang
Han vart tilsett som parksjef i SkiGeilos anlegg i fjor.
– Det var første gong eg skulle planlegge og bygge ein park av denne skalaen, noko som har vore både utfordrande og moro. Læringskurva har vore veldig bratt.
Håtveit seier han har mykje å lære, men håpar og trur dette berre er starten.
– Det er nye idear og planar på teikneblokka.
Lagt merke til
Dagleg leder Kevin Eikrehagen i SkiGeilo er ikkje mindre fornøgd. Prisen, som vart delt ut under NM-banketten på Vestlia Resort, set dei høgt.
– Me har eit fantastisk parkcrew med parksjef Andreas Håtveit i spissen. Det er flott at dette blir lagt merke til av Brettforbundet og utøvarar.
Eikrehagen seier det er ekstra artig å få prisen når det blir satsa stort på rekruttering til brettsporten på Geilo.
– Utruleg artig å sjå at me handterer heile spekteret frå park for nybegynnarar til NM-park for svært gode utøvarar.
Artikkelen held fram under annonsen.
