Koronautbrotet råkar idrett og trening
Koronautbrotet fører til at idrettslag og forbund avlyser trening. Kommunar stenger drifta i idrettshallar.
Dette er stoda kommune for kommune:
*Flå: Treningssenteret Ursus stenger torsdag. Thonhallen og symjehallen er også stengt.
Artikkelen held fram under annonsen.
*Nesbyen: Nesbyen idrettslag har innført treningsstopp og avlyst Nesmesterskapet i langrenn. Treningssenteret Nesbyen Gym er stengt.
*Gol: HFK har avlyst treningar. Gol Idrettsarena er stengd på ubestemt tid, og all aktivitet i bygget er stoppa. Treningssenteret Tibia er stengt. Gol IL melder at ingen av gruppene i laget skal drive trening inne eller ute. Dette gjeld i første omgang for dei to neste vekene.
* Ål: All innandørs trening er stoppa ut mars. Fotballbanen på Bråta blir brøyta og trening blir gjennomført utandørs. Treningssenteret på Thon Hotell Hallingdal er stengt i to veker.
* Hol: Geilo idrettslag stoppar trening i Geilohallen og andre treningar innandørs. Trening og aktivitet utandørs går som vanleg. Geilo trening og testsenter avgjer torsdag om dei stenger.
* Hemsedal: Ingen treningar i Trøimshallen. Styrkerommet er også stengt. Idrettslagets treningar og aktivitetar blir gjennomført utandørs.
