Brann ved jernbaneovergang på Geilo
Brann i tresviller i samband med arbeid på jernbanen fekk ingen konsekvensar for togtrafikken.
Det tok fyr i tresvillene under arbeid med skinnesliping på Bergensbanen i 0830-tida onsdag morgon. Branntillaupet var ved undergangen ved Dr. Holms hotell på Geilo, men det var aldri fare for spreiing, heiter det i meldinga til politiet.
Lokalt brannvesen rykte ut, men mannskapa på arbeidstoget var også med på sløkkearbeidet. Kommunikasjonsavdelinga til Banenor opplyser at brannen ikkje fekk konsekvensar for persontog.
Artikkelen held fram under annonsen.
NSB melder på si side at Bergensbanen er stengd mellom Hønefoss og Flå fordi eit tog sperrar linja, men heller ikkje dette fekk konsekvensar for persontrafikken, melder Banenor. Bakgrunnen var eit isras mellom Sokna og Veme. Togtrafikken skal no gå som normalt.
