Langrenn: Lovande på Hovden

Fleire hallingar gjekk gode løp under VM-mønstringa på Hovden sist helg.

På jentesida hevda Marte Mikkelsplass (Bromma) seg godt. I konkurranse med opptil tre år eldre løparar var ho 33,8 sekund etter vinnaren av prologen laurdag. Det var likevel tredje best av 16-åringane.

Dagen etter vart ho nummer 31 totalt på 5 km klassisk. Ho var eitt minutt og 58 sekund bak vinnaren, og ti sekund etter Emma Kirkeberg Mørk, som hadde bestetid av 16-åringane.

På gutesida var det Bjørnar Stensrud Tyribakken (Bromma) som fekk dei beste plasseringane. Han var 15,45 sekund etter prologvinnaren, og vart nummer 38. På 10 km klassisk vart han nummer 15, eitt minutt og 26 sekund etter vinnaren. Kasper Andersson Herland (Hemsedal) var fem sekund etter Tyribakken og vart nummer 16.

Kristen Mikkelsplass vart nummer 30, to minutt og fire sekund etter vinnaren.