Juven held fram på landslaget
Norges Friidrettsforbund tok ut landslaget for mellom- og langdistanse for 2017 denne veka.
Der var Nesbyen-løpar Sondre Juven (17) eitt av namna. Han blir saman mellom anna Jakob Ingebrigtsen ein del av rekrutteringslandslaget, og er sett i kategorien som «prioritert utøvar». Det betyr mellom anna at han vil få fleire moglegheiter til å delta i internasjonale konkurransar neste sesong.
Juven starta denne veka treninga for 2017-sesongen. Der er 1500 meter i U20-EM i Italia eitt av hovudmåla. Der har han alt klart kvalifiseringskravet etter det sterke løpet i juni på 3,50,78. Med den tida er Juven nummer 12 i Europa i år blant juniorane.