Hallingar på OL-scena
Parallelt med ungdoms-OL pågår det som blir kalla den største kulturfestivalen i Norge.
105 konsertar, 30 foredrag, 67 utstillingar, 31 filmar og 67 ulike aktivitetar.
Alt dette er del av kulturfestivalen Sjoggfest, som går parallelt med ungdoms-OL på Lillehammer desse dagane. Fleire kjende namn har bidratt i løpet av veka.
Artikkelen held fram under annonsen.
Nokre av desse er hallingar.
Bandet Svarteper med mellom andre ålingane Lars Jonas Bergo og Herman Kvelprud stod på scena tidlegare i veka. Måndag hadde dei ein 45 minutt lang konsert i Kulturhuset Banken.
Onsdag spelte Daniel Kvammen to konsertar, ein på dagtid i Hafjell der alpinøvingane går, og ein kveldskonsert i Kulturhuset Banken.
I tillegg har Karina Hollekim halde foredrag om karrieren, og korleis alt endra seg etter ulykka i 2006.
Heile festivalen er gratis, og det har vore lange køar på fleire av konsertane den siste veka. Det har ført til at fleire band har sett opp ekstrakonsertar.
