Gull og sølv til Hemsedal

Hemsedølene Bjørn Brudevoll tok gull i slalåm og Gustav Rosberg Vøllo sølv i storslalåm i NM for eldre junior.

Alpint: Norgesmeiserskapet for senior og eldre junior vart avvikla på Hafjell førre veke.

Brudevoll og Vøllo

NM-veka vart avslutta med storslalåm laurdag og slalåm sundag.

Der vart det to medaljar til Hemsedal. Bjørn Brudevoll vart norgesmeister i slalåm for eldre junior og kom på sjetteplass i seniorklassen. Der tok Simen R. Christiansen NM-gullet før Henrik Kristoffersen. Aslak Lysfjord Barlaug, Hemsedal vart nummer 11 i juniorklassen.

I storslalåmrennet vart klubbkameraten Gustav Rosberg Vøllo beste halling. Han tok sølv i juniorklassen og vart nummer 13 totalt. Brudevoll vart nummer sju i juniorklassen og 27 totalt. Fyrsteårsjunior Jeger Grøthe Halbjørhus, Hemsedal vart nummer 49 i NM-debuten.

Rasmus Windingstad, som er halv goling, vann storslalåm og tok sin andre NM-tittel.

Sato på femte

I dameklassane var femteplassen til Hilde Iren Sato, Ål i slalåm for eldre junior beste lokale plassering. Ho vart nummer ti i seniorklassen. Kaja Nordbye tok gullet før Nina Haver-Løseth.

I slalåmkonkurransen låg Kristiane Bekkestad, Ål på andreplass etter fyrste omgang og køyrde inn til tredje beste tid totalt. Men ho vart diskvalifisert for ei feil portpassering og mista bronsen i seniorklassen og gullet i junior.

Av andre hallingjenter vart Andrea Skaaland Larsen, Hemsedal nummer 11 i storslalåm og 12 i slalåm blant juniorane. Klubbvenninna Birgit Kinneberg vart nummer 17.

Karianne Sato, Ål kom på 32.-plass i slalåmrennet totalt, medrekna senior og junior. Ragnhild Mowinckel tok storslalåmgullet