Golberg viste seg fram - sikra andreplassen
Pål Golberg tok andreplassen i verdscup-sprinten i Finland.
Det vart dobbelt norsk i den fyrste sprintkonkurransen i verdscupen. Johannes Høsflot Klæbo stakk av frå start i finalen og vann heilt suverent.
Pål Golberg gjekk sterkt heile vegen og kontrollerte andreplassen. Med ein slik start i verdscupen legg Golberg inn ein god søknad om å få gå OL-sprinten seinare i sesongen.
Artikkelen held fram under annonsen.
I fjorårets verdscup i Finland vann Golberg framfor Høsflot Klæbo. I år bytta dei plass. Og som i fjor tok Calle Halfvarsson tredjeplassen.
- Eg gjekk litt for dårleg i den fyrste bakken, så avstanden fram til Klæbo vart for lang, sa Golberg til NRK etter at andreplassen var sikra.
Men golingen var godt fornøgd.
- Dette var betre enn å bli nummer 40 og 29 på Beito, var Golbergs kommentar.
I ein spennande seminfinale gjekk Golberg inn til tredjeplass bak Johannes Høsflot Klæbo og Calle Halfvorsen.
Men Golberg si tid var så sterk at det sikra han finaleplass.
