Fjeld Andersen er sendt heim frå VM med smitte
Filip Fjeld Andersen har testa positivt for korona og er sendt heim frå VM i Oberhof.
Det melder Norges Skiskytterforbund i ei pressemelding onsdag kveld.
– Det er sjølvsagt veldig kjedeleg, og me skulle gjerne hatt med Filip i troppen under meisterskapen, seier skiskyttaranes landslagslege, Aasne Fenne Hoksrud.
Artikkelen held fram under annonsen.
Han fortel at av omsyn til dei andre i gruppa er det tryggast å sende Fjeld Andersen heim.
Onsdag morgon vart alle i troppen og støtteapparatet testa for covid på nytt, i samsvar med normal rutine, og ingen testa positivt.
Landslagsleiinga har bestemt seg for å ikkje ta inn ein ny reserve som erstatning for geilingen.
– Vår vurdering er at det er tryggjast å ikkje sende inn ein ny utøvar i troppen no, seier Arne Botnan, landslagssjef i Norges Skiskytterforbund.
