Avlyst i Hemsedal
Big Air-konkurransen i Hemsedal er avlyst på grunn av for lite snø.
Freeski: Det er for lite snø i Hemsedal til at den planlagde Big Air-konkurransen kan gå som planlagt.
Saman med Skistar Hemsedal skulle Nor Freeski arrangere Big Air-konkurranse 3. januar med billett til X Games i Oslo seinare i vinter som fyrstepremie.
Artikkelen held fram under annonsen.
– Me er nøydd til å avlyse heile konkurransen på grunn av snømangel i Norges nest største skianlegg. Det er eine og aleine på grunn av vêrforhold me gjer det dette, uttalar sportssjef Christopher Frankum til friflyt.no.
Han opplyser at det blir jobba med ei alternativ løysing, og håper å få den på plass så fort som mogeleg.
Konkurransen i Hemsedal var opphavleg ein del av norgescupen der fyrste rennet gjekk på Skeikampen i helga.
