Mann teken med kniv

Politiet rykka ut til ein utestad på Geilo natt til sundag.

Då hadde vaktene teke ein kniv frå ein 29 år gammal mann. Mannen hadde vist fram ein foldekniv. Forholdet blir meld.

Elles har politiet hatt litt å gjere i Hemsedal:

# Ein mann (24) blir meld for urinering.

# Ein 28 år gammal mann er mistenkt for promillekøyring. Førarkortbeslag.

# Politipatruljen vart kontakta av ein mann som hevda han hadde vorte slått. Mannen vart send til legevakt for sjekk.

I ein trafikk-kontroll i Nes sundag føremiddag vart 53 bilførarar kontrollerte. Det enda med eit skriftleg og tre munnlege pålegg.