Langrenn: Topp ti i avslutninga
Kasper Herland og Marte Mikkelsplass stod for dei beste resultata under norgescupfinalen for langrennsjuniorane.
I 18-årsklassen vart Kasper Andersson Herland (Hemsedal) nummer seks på 15 km klassisk.
Hemsedalsjunioren var til slutt 42 sekund etter Martin Kirkeberg Mørk, som vann.
Artikkelen held fram under annonsen.
Brommaløpar Mikkelsplass har teke store steg i starten av juniorkarrieren.
I helga viste Marte igjen lovande takter då juniorane avslutta norgescupsesongen på Lygna. Dagen etter siste NM-distanse for seniorane, stod fellesstartar i klassisk stil på programmet for juniorklassane. I K17 vart Mikkelsplass til slutt nummer åtte. I mål var ho eitt minutt og sju sekund etter Emma Kirkeberg Mørk. I den eldste guteklassen vart brommaløparane Kristen Mikkelsplass nummer 19 og Bjørnar Stensrud Tyribakken nummer 25.
