Øystein Bråten vart norgesmeister i slopestyle under NM i freeski på Geilo laurdag.
Øystein Bråten vart norgesmeister i slopestyle under NM i freeski på Geilo laurdag. Foto: Caroline Utti

Bråten norgesmeister

Øystein Bråten vart norgesmeister i slopestyle under NM i freeski på Geilo laurdag.

Caroline Utti
Publisert: 06.04.2019 18:53 Sist oppdatert: 21:03

Torpingen har ei lang liste merittar og medaljar å vise til. Likevel har han aldri – fram til no – teke NM-gull som senior. Etter kvalifiserings- og finalerun vart han laurdag ettermiddag kåra til norgesmeister i slopestyle i Havsdalen på Geilo.

- Det kjennest bra. Og det har vore ein artig dag. Det var heilt rått når sola endeleg kom fram, og sørga for mjukt og fint føre. Det gjorde mogleg å dra til for å få til dei verkeleg kule triksa, seier Bråten.

Artikkelen held fram under annonsen.

På heimebane

Det vart tidleg klart at kampen om gullet stod mellom Bråten og Mikkel Brusletto Kaupang - som verkeleg gav OL-vinnaren noko å bryne seg på.

- Det vart ein liten kamp der, ja. Mikkel er heilt rå. Eg er ikkje sikker på kor lenge eg greier å halde han unna, smilar norgesmeisteren.

Brusletto Kaupang enda på ein svært solid andreplass, framfor Christian Nummedal (Hakadal IL) på tredjeplass.

Mikkel Brusletto Kaupang drog heim med ei sølvmedalje etter siste finalerun i freeski-NM.
Mikkel Brusletto Kaupang drog heim med ei sølvmedalje etter siste finalerun i freeski-NM. Foto: Caroline Utti
Øystein Bråten tok sitt fyrste NM-gull i seniorklassa laurdag ettermiddag.
Øystein Bråten tok sitt fyrste NM-gull i seniorklassa laurdag ettermiddag. Foto: Caroline Utti

I dameklassa gjorde Johanne Killi (Dombås IL) reint bord og vart norgesmeister. Sandra Eie (Bærums Skiklub) tok andreplassen framfor Elvira Marie Ros (Lillehammer Skiklub).

Opsahl best i juniorklassa

Marte Opsahl (Geilo IL) var einaste lokale utøvar på pallen i juniorklassane. Ho hadde leiinga etter kvalifiseringa, men måtte ta til takke med sølv etter gjennomført finalerun i jenteklassa. Helle Haugland Fossengen (Voss Freestyleklubb) vart norgesmeister, medan Martine Alexandra Tamburstuen (Heming IL) tok bronse.

I juniorklassa for gutar var Sondre Eide Sataøen (Geilo IL) einaste lokale utøvar på startlista. Etter gjennomført finale enda han på 11.-plass. Nicolai Leegaard Kjellsby (Bærums Skiklub) tok fyrsteplassen, framfor Emil Zaic Koch (Bærums Skiklub) på andre- og Iver Berg Johansen (Hakadal IL) på tredjeplass.