Uvêr på fjellet
Fredag startar juleferien. Det er venta mykje trafikk på vegane i Hallingdal.
Julehelga er innleia med kolonnekøyring på Rv7 over Hardangervidda på grunn av dårleg vêr.
Vegen kan bli opna for fri ferdsel i ettermiddag/kveld. Ut på dagen fredag vart det også innført kolonnekøyring på Fv50 Hol Aurland. På Rv52 over Hemsedalsfjellet er det ope for trafikk.
Artikkelen held fram under annonsen.
Du kan sjekke statusen på fjellovergangane her.
Betre vêr
Meteorologisk institutt har fredag sendt ut gult farevarsel for fjellovergangane i Sør-Norge.
Vegtrafikksentralen oppmodar vegfarande på veg mellom aust og vest om å følge med på deira oppdateringar. Kolonnekøyring kan bli innført på kort varsel. Men utover kvelden fredag skal det bli mindre vind, og vêret er meld langt betre laurdag og sundag. Ifølgje vêrvarsla til yr.no for Rv7 over Hardangervidda skal det bli lettare vêr og lite vind i helga. Julaftan er det meldt om snø om kvelden. Same varsel gjeld for Fv50 Hol-Aurland og Rv52 over Hemsedalsfjellet.
Stor trafikk
Det er venta stor trafikk i Hallingdal denne helga.
Berre i Hol melder kommunen om at dei ventar 40.-50.000 personar. Trafikken startar fredag, men ettersom julaftan er måndag, reknar Vegtrafikksentralen med at trafikken vil spreie seg over fleire dagar. På Bergensbanen som går med fulle tog heile helga, var toga i rute fredag føremiddag.
