Tone Merete Tho og gutane i Filmprodusentane, Halgrim Ødegård og John Storhaug (t.h.) har i haust laga fem kulturmagasin som alle kan sjå på www.hallingdolen.no. Desse magasina har til saman hatt over 150.000 visingar så langt.
Tone Merete Tho og gutane i Filmprodusentane, Halgrim Ødegård og John Storhaug (t.h.) har i haust laga fem kulturmagasin som alle kan sjå på www.hallingdolen.no. Desse magasina har til saman hatt over 150.000 visingar så langt.

TV-studio for alle

Virtuelle studio har gjort TV-produksjon enklare for fleire enn dei store tv-selskapa.Line Sandvik

Publisert: 03.01.2017 00:00 Sist oppdatert: 15.02.2017 15:04

Hallingdølen har dei siste halvanna åra delteke i utviklinga av lokal-TV gjennom EU-prosjektet Smartset, saman med fleire andre aktørar i Europa. Ved hjelp av datateknologi blir ein grønmåla vegg gjort om til eit fullverdig studio. Det er det spanske firmaet Brainstorm som står bak prosjektet. Dei leverer studioløysingar for tv-gigantar, men gjennom prosjektet Smartset er verktøyet forenkla, slik at både aviser og mindre tv-selskap kan laga rimelege produksjonar med høg kvalitet.

Forenkla

– Ein treng ikkje vere fjernsyns-ingeniør for å styre dette systemet, seier John Storhaug som jobbar for Filmprodusentane/Hallingdølen. Forutan Hallingdølen har ein TV-stasjon frå Ungarn, ein helseinstitusjon og ein frivillig organisasjon frå Spania, eit universitet og julenisse-TV frå Finland prøvd ut programvara.

Artikkelen held fram under annonsen.

I løpet av 2015 vart det bygd studio i den gamle trykkerihallen i avishuset på Sundre. Hallingdølen har etter dette spelt inn program og halde direktesendingar i studioet.

– Eit norsk firma har vore med og utvikla programvara. NTNU i Trondheim og Brainstorm har vore prosjektleiarar, seier Storhaug. I januar skal sluttrapporten sendast til EU, som har sponsa prosjektet. Det heile vil bli presentert på NAB Show, ei stor messe i Las Vegas i april.

Kulturmagasinet

I løpet av hausten har Hallingdølen produsert fem Kulturmagasin på www.hallingdolen.no. Desse ligg opne for alle, ikkje berre abonnentane til avisa. Alle videoane som er produsert ligg også tilgjengeleg for alle som vil sjå.

John Storhaug (biletet) har i haust laga fem kulturmagasin som alle kan sjå på www.hallingdolen.no. Desse magasina har til saman hatt over 150.000 visingar så langt.
John Storhaug (biletet) har i haust laga fem kulturmagasin som alle kan sjå på www.hallingdolen.no. Desse magasina har til saman hatt over 150.000 visingar så langt.

– Delar av dei fem siste kulturmagasina er laga på Smartset-systemet, seier Storhaug. Kulturmagasinet har i snitt hatt 30.000 visingar i månaden. Det betyr 150.000 visingar totalt.

– Me optimaliserte systemet frå august, seier Storhaug. Etter at prosjektet no blir avslutta, kan Hallingdølen bruke alle Smartset-plattformene vidare. Det er enkelt å «laste ned» eit nytt studio.

– Og det har ein vanvitig god kvalitet. Dette er framtidas studio-sendingar. Det er eit moro å vera ein del av eit slikt prosjekt, og ei fjør i hatten for Hallingdølen, seier han.

NYHEITER