Trailersjåfør køyrde med promille
Ein mann i 30-åra er arrestert for promillekøyring etter ein trailervelt i eit bustadfelt i Nesbyen laurdag kveld.
Ein Litauisk trailersjåfør i 30-åra er arrestert for promillekøyring etter å ha køyrt inn i eit gjerde i Revefaret i Nesbyen seint laurdag kveld.
– Ein mann er arrestert for promillekøyring, og sett i arrest. Han vil no bli avhøyrt før han truleg blir dimittert. Tungtrekker har alt vore på staden og gjort bergingsarbeid, opplyser Torstein Gustad, operasjonsleiar i Sør-Øst politidistrikt.
Artikkelen held fram under annonsen.
Vitne opplyser å ha sett traileren kome køyrande oppover bustadvegen kring klokka 22.15 i går kveld. Sjåføren skal ha køyrt til enden av ein blindveg, før han prøvde å rygge attende. Då gjekk det gale. Traileren velta over på sida og mot eit gjerde til ein leikeplass. Sjåføren skal ha vore tydeleg rusa. Ingen personar kom til skade i ulykka.
