Stakk frå politiet – framleis på frifot
Mannen som stakk frå ein cannabisplantasje i Gulsvik er framleis på frifot.
Han var i bustaden då politiet kom for å sjekke.
Det var søkt etter han med hund, utan resultat. Politiets teori er at han vart plukka opp av ein bil på Rv7.
Artikkelen held fram under annonsen.
– Etterforskinga av denne saka er ikkje ferdig. Det er to etterforskarar som arbeider med saka, seier seksjonsleiar for etterforsking i Hallingdal lensmannsdistrikt, Pål K. Mikkelrud.
Det var i byrjinga av august at politiet fann ein plantasje med cannabisplanter i andre etasje i bustaden i Gulsvik.
– Noko var ferdig produsert, og det var også gjort klart for ei utviding av plantasjen, seier Mikkelrud.
Kor stor denne cannabisplantasjen var vil han ikkje seie noko om.
– Men den ville nok gi ei betydeleg mengde, seier Pål K. Mikkelrud.
