Smitta i Ål breier om seg: Testar nytt klassetrinn i dag

9. og 10. klasse ved Ål ungdomsskule har alt blitt koronatesta etter at det vart oppdaga smitte på begge trinn. Fredag vart også 8. klasse råka.

– Det har vore svært høg testaktivitet. 8. trinn vil bli testa laurdag, seier kommuneoverlege Toril Bøyum til Hallingdølen.

Utbrotet i Ål held fram å vekse. På ei knapp veke har 15 personar fått positive prøvesvar, og kommunen har hatt fullt opp med testing og smittesporing.

Fekk du med deg denne? Må avlyse konfirmasjon etter smitte: - Det er trist

Det siste tilfellet kom altså fredag.

– Det var ein nærkontakt. Me vil vite meir om omfanget av situasjonen når me har testa heile trinnet, seier Bøyum.

Totalt er 27 personar smitta i Hallingdal dei siste to vekene. Dei 27 smitta fordeler seg slik:

Gol: 8

Ål: 14

Hemsedal: 1

Hol: 2

Nesbyen: 1