Slik ser det ut i høgda: – Ikkje reis til fjells på sommardekk
Vinteren har fått fotfeste på fjellovergangane.
– Bruk vinterdekk! Det er den klare meldinga frå meteorologane. Det er vanskelege køyreforhold på fjellovergangane. Det er venta periodar med snø fram til fredag morgon.
Snøgrensa ligg ifølgje yr.no på mellom 1000-1400 meter, men i Hallingdal ser me at snøgrensa er langt lågare enn det torsdag føremiddag.
Artikkelen held fram under annonsen.
Torsdag morgon velta eit vogntog på Rv7 ved Haugastøl i Hol. Utover føremiddagen snør det framleis i området, og det er vanskelege køyreforhold.
På Dyranut, det høgste punktet på Rv7 over Hardangervidda, er vegen kvit. Det er plussgrader utover dagen, men i kveldinga vil temperaturen ligge frysepunktet att.
Det er ikkje tidspunkt å satse på å køyre fjellovergangane dersom ein ikkje er skikkeleg skodd.