Slik fordelte kommunen midlane frå næringsfondet
Saka kjem torsdag opp i kommunestyret i Nesbyen.
Kommunedirektøren foreslår at Nesbyen kommunestyre tek lista til orientering:
* Løypetilskot: 250.000 kroner.
Artikkelen held fram under annonsen.
* Forum nye Bergensbanen (Vestland fylkeskommune): 42.070 kroner.
* Bu- og blilyst-prosjektet i regi av Nesbyen Turist- og Næringsservice: 400.000 kroner.
* Gardnos (Nesbyen kommune): 69.414 kroner.
* Hallingdal Etablerersenter (Gol kommune) 169.750 kroner.
* Gøtt Pøbb: 5200 kroner.
* Reine Element: AS 625.000 kroner.
* Sport 1 Nesbyen: 130.000 kroner.
* Rustand Maskinservice v/Endre Rustand: 300.000 (avsett som løyving, men ikkje utbetalt).
Artikkelen held fram under annonsen.
* Nes Bakeri AS: 300 000 kroner.
Meir inn enn normalt
Av sakspapira kjem det fram at Nesbyen kommune bruker inntektene frå konsesjonsavgift til å gi næringstilskot. Dette skjer i høve til dei retningslinene som ligg til grunn for bruka av næringsfonda. Kommunen får normalt inn rundt 2,5 millionar kroner i konsesjonsavgifter.
I desember fekk Nesbyen inn 3,015 millionar kroner i konsesjonsavgifter. I tillegg kom tilbakebetaling av lån som var gitt frå næringsfondet på litt over 253.000 kroner.
Snunad
Kommunedirektøren opplyser at talet på søknader til næringsfondet har gått ned dei siste åra. Dette er i samsvar med erfaringar frå for eksempel Hallingdal Etablerersenter (HE). Der har det vore ein nedgang i aktiviteten under og etter koronapandemien. Men etablerarsenteret melder også at trenden snudde i fjor haust, og at folk frå Nesbyen er dei som er mest ivrige til å bruke tenester frå senteret.
