Skogbrannøving: Vil prøve å tenne eld i vått gras
I dag, onsdag, gjennomfører brannvesenet ei stor skogbrannøving i Gol.
Kring 50 brannmannskap frå heile landet har denne veka vore på skogbrannkurs på Torpomoen. Siste kursdag skal dei ha praksis i felten.
Onsdag er det meld rikelege mengder med nedbør over Hallingdal. Dersom brannvesenet klarar å tenne fyr på den regnblaute skogen, er planen å avslutte kurset med ei realistisk øving. Mannskapa skal rydde branngater og jobbe med sløkking. Dette vil skje i eit skogsområde vest for Hallingdalselva ved Vermefoss i Gol. Brannøvinga vil vere godt synleg frå Rv7.
Artikkelen held fram under annonsen.
Brannsjef i Hallingdal, John Bjella, opplyser til Hallingdølen at det onsdag i tidsrommet 11 til 15 kan bli røyk, eld og trafikk frå eit skogbrannhelikopter i dette området.