Stor biletserie frå folkehavet på Fårefestivalen: – Så hyggeleg å sjå at folk kosar seg
Fårefestivalen råka blink. Dei rulla ut festivalstemninga akkurat den dagen syndfloda tok pause. Endeleg ein opptur.
Sissel Bjørøen i Visit Gol er vertinna for Fårefestivalen. Laurdag gliste ho frå øyre til øyre.
– Ja, i dag har eg det bra. Det er så hyggeleg å sjå at folk kosar seg i gata, seier ho.
Artikkelen held fram under annonsen.
Bilete 1 av 24
Sissel Bjørøen i Visit Gol råka blink med festivalen. Dei rulla ut festivalstemninga akkurat den dagen syndfloda tok pause. – Me trengde ein opptur, seier ho.Bilete 2 av 24
Utanfor Gol Bedehus var det loppemarknad.Bilete 3 av 24
Det var lang kø framfor smultringbua. Men han ventar ikkje forgjeves, han som ventar på noko godt.Bilete 4 av 24
Laurdag var ein god dag for dei som dreiv formidling av kortreist kvalitetsmat. Det var ein jamn straum av folk framfor salsbua til Hallingkost.Bilete 5 av 24
Ein bunadskledd Vebjørn Jøtun Fauske set seg på kne for det som kan bli framtida for norsk folkedans. Sofia (5) tek sitt livs første hattespark, assistert av veslesøster Julia (3) og pappa Per Gunnar Ølstad.Bilete 6 av 24
Gunnar Langehaugen i Hallingdal Veterantraktorklubb kjem putrande oppover gata i sin raude David Brown 850 (1962-modell).Bilete 7 av 24
Nasen til den dansk-svenske gardshunden Tassen (2) tok inn godlukt både frå kvikaku, grilla lam og alt som godt er. Ikkje lett då å halde tempoet nede for matmor Marit Wiker.Bilete 8 av 24
– Klarar du denne? spør Oddmund Vestenfor i Gol Mållag. Han hadde språk-quiz med ei nøtt om bøying av verb i hallingmålet: «Me sita på bakeriet, men igjår .... me på Kjerstis».Bilete 9 av 24
Ein skulle helst hatt bilete med lukt. Erik Bøe i Nortura tok seg av grillinga, mens kokk Tor Gunnar Evenstad (i bakgrunnen) tok seg av danderinga.Bilete 10 av 24
Veteranbobler blenkte i sola utanfor Pers Hotell.Bilete 11 av 24
Jorun Viljugrein Stake lokka forbipasserande med nysteikte kvikaku.Bilete 12 av 24
Elisa Bråtalien (f.v.), Solveig Berget og Aurora Constanse Eidsgård er jenter med forretningsteft. Saman med to venner har dei starta selskapet . Dei har tre kopplam som dei leiger ut til festivalar og arrangement.Bilete 13 av 24
Klart for saueskit-bingo. Slepp inn sauene «and let the game begin».Bilete 14 av 24
Helmer Bleiktvedt er sjef i selskapet . Her i rolla som ekspertkommentator under saueskit-bingoen, saman med Sissel Bjørøen i Visit Gol.Bilete 15 av 24
Ungar er lette å lure. Du kan få dei til å gjere nesten kva som helst for litt godteri. Utanfor Turistkontoret stod dei i kø for å dykke ned i saueulla på jakt etter søte skattar.Bilete 16 av 24
Knut Kinnebergbråten sender korken til himmels. Leiaren i Hallingdal Veterantraktorklubb er ein kunstnar når det gjeld å finne på ting som kan feirast. Her sprettar han alkoholfrie bobler for å markere at dei har fått ein ny tilhengar.Bilete 17 av 24
Knut Kinnebergbråten, leiar i Hallingdal Veterantraktorklubb, er ein kunstnar når det gjeld å finne på ting som kan feirast. Her sprettar han alkoholfrie bobler for å markere at dei har fått laga seg ein ny tilhengar til å transportere folk.Bilete 18 av 24
Laurdag vart Sentrumsvegen sperra for biltrafikk. Eit folkehav bølgja mellom salsbuer med mat, handverk, godteri og krimskrams.Bilete 19 av 24
Engebret Turhus (i midten) var ein omsverma mann med ein omsverma bil. Hans sekssylindra Rover frå 1928 var eit blikkfang som trekte mange interesserte.Bilete 20 av 24
Engebret Turhus var ute og lufta eit klenodium av ein bil, ein sekssylindra Rover frå 1928.Bilete 21 av 24
Sigrun Svenkerud (f.v.) er sterkt i tvil. - Eg er jo eigentleg ikkje noko hattedame, seier ho. Til protestar frå både venninna Aud Berit Johannessen og hatteprodusent Torild Finsrud Velure.Bilete 22 av 24
Selfie med hatt: Også Hallingdølen sin fotograf måtte teste om han er mann for å gå med hatt. Det er han ikkje.Bilete 23 av 24
Kyrkja i Gol freista publikum med nysteikte kvikaku. Jorun Viljugrein Stake (f.v. med ryggen mot kamera), Britt Marie Haraldset og Sissel Rudningen.Bilete 24 av 24
Det er tidleg på haust, men det stundar likevel mot jul. Og desse ullnissane glei fint inn i festivalkonseptet på Fårefestivalen.Ikkje ein rein filttøffelfestival
Laurdag føremiddag vart Sentrumsvegen sperra for biltrafikk. Berre ein og annan veterantraktor, med ungar på hengaren, laga motordur i gata. Ut over dette var det eit lite folkehav mellom salsbuer med mat, handverk, godteri og krimskrams.
Trur du Fårefestivalen berre er ein rein filttøffelfestival, kan du bli overraska. For i år hadde også eit ungt teknologiselskap sett opp stand i Sentrumsvegen.
Saue-hightech
Ei gruppe studentar frå NTNU i Trondheim har forska fram ein prosess der ull blir varmepressa til eit materiale som toler vatn, i tillegg til at det blir brote ned til næringsstoff når potta blir planta i jorda. Pottene er laga av nedklassifisert ull, altså ull som er så grov og skitten at det er eit restprodukt som elles blir kasta.
Bilete 1 av 3
Mathias Hoel er dagleg leiar i Woolero, som har utvikla nye produkt av nedklassifisert ull, altså ull som er då skiten og dårleg at det elles blir kasta.Bilete 2 av 3
Plantepotte av komposterbar saueull, eit nytt produkt utvikla av studentar ved NTNU.Bilete 3 av 3
Gjødselspellets av saueull, eit nytt produkt utvikla av studentar ved NTNU.– Slik ull er rik på næringsstoff, held godt på fukt, og har i tillegg jordforbetrande eigenskapar, fortel Mathias Hoel, dagleg leiar i Woolero. I tillegg til potter, produserer selskapet organisk gjødselpellets av saueull.
I regn og motvind
Både vertinna i Visit Gol og handelsnæringa har jobba i motvind denne sommaren. Først regna Goldagen vekk, før ekstremvêret Hans øydela omsetnaden i august.
– Handelsnæringa trengde ein opptur?
– Ja, i år trengde næringa oppturen frå ein god Fårefestival, seier Bjørøen.
Og det fekk ho. Ein dag med opplett, før det snart startar å ause ned på nytt.
Artikkelen held fram under annonsen.
