Sender røyr til heile verda
Det første eksport-produktet til Hallingplast var slalåmstaur.
Det var på 1980-talet.
Men gjennombrotet i 1988 kom då Hallingplast leverte røyr til drikkevatn i Stockholm.
Artikkelen held fram under annonsen.
– Me fekk først fotfeste i Sverige, seier Steinar Tragethon.
Eksportdelen til selskapet er i dag 25 prosent. Sverige er den største marknaden. Men Kina treng også røyr.
– Kina skal bytte ut gamle drivstoffrøyr av stål. Det går ein konteinar om dagen med røyr til Kina, seier Sverre Tragethon.
Elles går røyra som blir frakta ut av 10–13 bilar dagleg til heile verda: Thailand, Sør-Korea, Elfenbenskysten, Tasmania, Canada, Island og Færøyene.
