Overskot i Visit Geilo
Visit Geilo gjekk med overskot i 2015. Det er mot normalt i reiselivsbransjen.
For mange regionale destinasjonsselskap slit på grunn av manglande finansiering.
– Det er ein evig kamp om finansiering, seier turistsjef i Hol, Pål Knutsson Medhus, og kan fornøgd konstatere at fjoråret gjekk i pluss: 200.000 kroner.
Artikkelen held fram under annonsen.
– Smart og målretta arbeid, seier Medhus om den positive trenden.
Det har også vore ei lokal samling kring Visit Geilo dei siste to åra. Det viser talet på medlemsbedrifter. I 2014 var det 147 medlemmer. Det har auka til 221 i dag. Når medlemsbedriftene har hatt ei gjennomsnittleg omsettingsauke på 12–15 prosent, gjev også det meir pengar i kassa til Visit Geilo gjennom høgare medlemsavgifter.
