Fv51 er stengt etter ein front mot front-kollisjon. Ein personbil, ein varebil og ein lastebil er involvert.
Fv51 er stengt etter ein front mot front-kollisjon. Ein personbil, ein varebil og ein lastebil er involvert. Foto: Geir Helge Skattebo, Avisa Valdres

Omkom i ulykke på Golsfjellet

Ein varebil og ein lastebil frontkolliderte på Fv51 tysdag føremiddag.

Tone Merete Tho
Publisert: 08.10.2019 11:48 Sist oppdatert: 17:27

Fv51 Golsfjellet var tysdag sperra etter ei trafikkulykke. Politiet fekk melding klokka 10.52 om at ein varebil og ein lastebil hadde frontkollidert. Nødetatane rykte ut til staden, og det vart opplyst at det var svært glatt vegbane.

Ulykka skjedde ved Haugerud, ikkje langt unna avkjøringa til Vestringsbygda. 

Artikkelen held fram under annonsen.

Ifølgjeavisa Valdres, som var på staden, vart ein person raskt stadfesta omkomen.

Det er personen i varebilen som er omkomen i ulykka.

Politiet i Innlandet opplyser at vegen ville vera stengt lenge på grunn av tekniske undersøkingar. Utpå ettermiddagen begynte dei å sleppe bilar forbi ulykkesstaden puljevis, men undersøkingane heldt fram.

Politiet veit førebels ikkje noko om årsaka til kollisjonen.

NYHEITER