Ny positiv test i Gol - testar avdeling i barnehage måndag

Sundag fekk Gol sitt 10. smittetilfelle på to veker.

Ifølgje kommuneoverlege Jagannivasan Thurainayagam gjer det positive prøvesvaret sundag at ei avdeling ved ein barnehage i kommuenen må i karantene.

– Me planlegg testing av ungane måndag, seier han.

– Husstandsmedlemmar av barna er i ventekarantene til me har fått svar på dei prøvane. Dette gjeld dei som ikkje har beskyttelse gjennom vaksinasjon eller at dei har hatt koronaviruset dei siste 12 månadene.

Laurdag fekk Gol bekrefta smitte som gjorde at både barnehageavdelinga og to skuleklassar ved Gol skule vart sett i karantene.

– Ventekarantene på dei to klassane er no oppheva. Det er ikkje behov for vidare tiltak for dei, seier Thurainayagam.

Totalt er 39 personar smitta i Hallingdal dei siste to vekene. Dei 39 smitta fordeler seg slik:

Gol: 10

Ål: 24

Hemsedal: 1

Hol: 2

Nesbyen: 2