Råkøyrde i tettbygde strøk - ein vart målt til 96 km/t i 50-sona

Fredag ettermiddag hadde politiet fartskontroll i Gol. Dette var ein aksjon som gav inntekter til statskassen.

Fartskontrollen vart utført i Gol sentrum og i Tuppeskogvegen, der fartsgrensa er sett til 50 km/t.

I samarbeid med Utrykkingspolitiet (UP), avdekte ein lokal politipatrulje det som må karakteriserast som svært alvorlege brot på fartsgrensene.

Politiet delte ut 17 forenkla førelegg på grunn av for høg fart. Mest alvorleg var det at to bilførarar mista førarkortet på staden etter å ha blitt målt til høvesvis 96 km/t og 78 km/t i 50-sona.

Politiet opprettar sak for vidare etterforsking.