Kjøl: – Fryktar at statsråden får bestemme
Det verste som kan skje er at dei viktige vegvala blir gjort på samferdselsministerens kontor.
Det er Tony Kjøl som seier dette.
– Vår frykt er at statsråden eller ein statssekretær får bestemme. Då veit me E134 står sterkt, seier Kjøl.
Artikkelen held fram under annonsen.
Høgre-ordføraren frå Hol har ikkje så mykje tiltru til si eiga regjering i vegspørsmålet om aust/vest-samband. Aust/vest-utgreiinga, som no er venta ferdig i januar, skal danne grunnlag for seinare å meine noko om prioriteringar for Nasjonal transportplan (NTP).
Kjøl viser til at utgreiinga også er sagt å skulle ha betydning for arbeidet med Hardangerviddatunnelen, og den såkalla KVU-en, konseptvalutgreiinga.
– Det hadde vore mest ryddig om KVU-en fekk gå uavhengig av aust/vest-utgreiinga. Det er uheldig om statsråden får farge planane som vegvesenet skal jobbe vidare med, seier Kjøl.
– Eg kan jo også ta feil, legg han til.