Isras råkte toget - passasjerar skadde
Nokre få passasjerar vart lettare skadde då regiontoget til Oslo var treft av eit isras.
– Toget vart køyrt inn til Flå stasjon, og der vart dei skadde tekne hand om av helsepersonell, seier pressevakt Gina Scholtz i NSB.
Det var ved 13-tida tysdag at toget vart treft av israset mellom Bergheim og Flå.
Artikkelen held fram under annonsen.
Fleire vindauge vart knust i ei passasjervogn, og to eller tre passasjerer fekk kuttskadar. Helsepersonell tok hand om desse på stasjonen. Toget vart ståande på stasjonen til politiet har kome til staden og gjort sine undersøkingar.
– Etter å ha undersøkt skadene, fekk toget køyre vidare mot Oslo, seier Stoltz.
Mannskap frå Bane Nor var på staden der raset gjekk og kontrollerte strekninga.
