HFK vann – med Jansen på banen
HFK-trenar Jan-Eirik Jansen Thorberg har styrt laget til opprykk frå sidelinja. Men sundag ville også han vere med på moroa ute på banen.
For då det berre var att kort tid av kampen mot Solberg på Solbergmoen, bytta trenaren like godt inn seg sjølv.
HFK leia 2-1, men var under press. Inn kom Jansen som tok plass i midtsirkelen for å styre laget til siger. Og som ikkje det var nok. På eit hjørnespark like før slutt scora trenaren. Dermed vann HFK 3–1 i sesongens siste kamp. Laget avslutta med stil.
Artikkelen held fram under annonsen.
Loddtrekning
Men det var ikkje berre Jansens innhopp som var av det originale slaget.
Startoppstillinga var også utanom det vanlege. Den vart nemleg gjort med loddtrekning og sette spelarane i uvante posisjonar. Midtstoppar Jesper Taaje tok over for Tord Fagermo i mål. Taaje stod elles ein god kamp basert på rapportane frå Solbergbanen. Markus Thorberg spelte høgreback medan midtstoppar Sondre Hole Dokken vart dytta fram i ein offensiv midtbanerolle. Han scora også 1-0-målet. Fredrik Røkkum, midtstoppar saman med Fagermo for dagen, scora 2–1 før altså Jansen la på til 3–1 like før slutt.
