Fylleskyting på eigen eigedom
Politiet fekk natt til laurdag melding om skyting i Flå. Ein skremt innringar opplyste at han hadde høyrt ei rekkje skot i nærleiken av der han budde.
Politiet rykka ut med ein patrulje og oppdaga ein full kar køyrande i ein bil. Mannen kom bokstavleg tala køyrande rett i fanget på politiet saman med ein kamerat.
Mannen, som er ein gamal kjenning av politiet, vedgjekk skytinga som ifylgje politiet kan karakteriserast som fylleskyting.
Artikkelen held fram under annonsen.
Skytinga skjedde på mannens eigedom. Her vart det også funne fleire våpen som politiet tok hand om, mellom anna ei hagle og ei rifle. Mannen vart også fråteken førarkortet.
