Fleirtal i meiningsmåling for å splitte Viken
Ei ny meiningsmåling utført for NRK viser at 56 prosent av dei spurde seier ja til å splitte opp storfylket.
Berre 27 prosent er imot, melder NRK.
Undersøkinga er gjennomført blant 3000 Viken-innbyggjarar av Norstat på oppdrag frå NRK og Amedia.
Artikkelen held fram under annonsen.
I storbyregionen Nedre Glomma – som består av kommunane Fredrikstad og Sarpsborg – svarer heile 74 prosent at dei ønskjer å oppløyse fylket.
I Østfold totalt er det 66 prosent som er for oppløysing, medan i Akershus og Buskerud vil litt over halvparten splitte storfylket opp. Lågast entusiasme er det i Asker og Bærum der berre 35 prosent ønskjer å kvitte seg med Viken.
I ei meiningsmåling i Innlandet fylke svarer to av tre under 30 år at dei ønskjer seg tilbake til Hedmark og Oppland. (©NPK)