1995 Flå barnehage: Ko e’ det ho der driv med? Å, ja! Ho skal ta bilde. Smil! I ungane si verd er alt mogeleg. Bestekameraten kan bli til ein sinna hund. Sand og søle vert til flotte jordbærkaker og steinar vert til klirrande mynt. Hallingdølen har vore i Flå barnehage og fekk ta del i ungane sin leik. Ein leik der det meste går an, og der ungane bestemmer. Derfor var det berer å akseptere at denne gongen var det andre som stilte spørsmåla, og me som måtte svare. For ingen er så nysgjerrige som førskoleborn. På biletet ser me Ragnar Hilde (t.v) og Gjermund Lien Dahl.
Foto: Astrid Folkedal
Dykk i arkivet fra 1995: Kjenner du att desse to sjarmørane?
