Marit Løyte Hansen spør seg om ein kan stole på Posten når eit brev brukar så lang tid mellom to bygder i Hallingdal.

Brevet hennar brukte 24 dagar frå Ål til Nesbyen

Då Marit Løyte frå Ål skulle sende eit brev frå Ål til Nesbyen, gjekk det meir enn tre veker innan brevet kom fram.

– 14. desember postla eg eit brev på Ål som skulle til Nesbyen. Då eg nesten ein månad seinare ikkje hadde fått svar på min førespurnad, ringde eg for å forhøyre meg om saka. Brevet var motteke 7. januar, seier Løyte.

Les også
Brevet hennar brukte 24 dagar frå Ål til Nesbyen

Feiladressert?

Pressesjef i Posten, John Eckhoff seier at tre veker var litt vel lang tid.

– Brev er sendingar som ikkje har sporing, så det er litt vanskeleg å seie kva som kan ha skjedd, seier Eckhoff. Han fortel at rundt 10 prosent av posten har mangelfull adresse eller er feiladressert, og seier at dette ofte er ei årsak til feilen.

– Feiladressert post må behandlast manuelt, og då tek det lenger tid, seier han, og trekker fram juletrafikken som kan ha forsinka posten ytterlegare.

– Det er mykje post i jula. Skjer det uventa hendingar, kan posten bli endå meir forsinka enn vanleg.

Pressesjef John Eckhoff i Posten Norge AS. ( Foto: Håvard Jørstad

– Drygt

Løyte synest opplevinga var merkeleg.

– Eg føler at eg ikkje kan stole på Posten, seier ho.

– Eg kunne ha brukt ein og ein halv time tur- retur om eg hadde køyrd til Nesbyen og levert brevet sjølv.

To dagar

Eckhoff seier at det vanlegvis skal ta to vyrkedagar før eit brev kjem fram.

– Nær sagt all post i Norge blir sortert på Postens Østlandsterminal på Lørenskog, seier han.