Brannvesenet inn med helikopter
Brannvesenet vart frakta med helikopter for å sløkkje ein brann i Nore og Uvdal.
Kring klokka 18 sundag kveld varsla Vestviken 110 om at brannmannskap frå Geilo rykka ut etter melding om ein lyngbrann ved Skaupsjøtunga.
Men området er vanskeleg å ta seg fram i, og brannvesenet vart derfor floge inn til brannen med helikopter. Omfanget av brannen er førebels uviss.
Artikkelen held fram under annonsen.
Brannen i Nore og Uvdal var ikkje den første sundag. Den første utrykkinga var i Gol ved 17-tida. Då vart det meldt om branntilløp i ved Dugurdsnatten og vest for Robru.
Klokka 18 rykka mannskap frå Flå ut til Bjørnsbråten. Omfanget både i Gol og Flå er ikkje kjend.
Årsaka til branntilløpa er det kraftige torevêret. Også laurdag herja torevêret nokre timar. Då rykka brannvesenet i Nore og Uvdal ut på ein brann i ei buske etter eit lynnedslag i Borgegrendi og ein brann i ein trafo ved Fønnebøfjorden. Brannvesenet fekk raskt kontroll over brannane.
