Åtvarar mot dårleg is: - Ikkje beveg deg ut på snødekte vatn

Hafslund Eco åtvarar mot dårleg is på mange vatn i Hallingdal.

Det har vore ein mild haust; det har ført til dårleg is for årstida. Dette gjeld fleire av fjellmagasina. Det er Hafslund Eco som har bygd ut vassdraga i Hallingdal og som er ansvarleg for sikkerheita rundt fjellmagasina.

Selskapet har sett opp skilt på land, men det er ikkje stikka løyper eller sett opp isgjerde fordi det ikkje er trygt å ferdast på isen.

– Hafslund Eco oppfordrar publikum til å respektere skilt og ikkje bevege seg ut på snødekte vatn, skriv selskapet i ei pressemelding.

Noregs vassdrags- og energidirektorat (NVE) har lagt ut ei ismelding på sine nettsider. Ismeldinga gjeld for persontrafikk på islagde vatn, og baserer seg på målingar frå utvalde stader. Informasjonen er generalisert for større område. Det vil alltid vere lokale variasjonar som ikkje blir fanga opp av melding.

Sjekk iskartet til her.