17 for fort
UP hadde fartskontroll i Hol og på Gol tysdag kveld.
UP hadde tysdag kveld kontroll ved Kleivi på Rv7. Til saman vart ti bilførarar stoppa for å ha køyrt for fort. Ingen av dei mista førarkortet på grunn av for høg fart, men ein av sjåførane må bu seg på å bruke beina ei stund frametter då han hadde fått for mange prikkar i førarkortet.
To andre bilførarar fekk forenkla førelegg for å ha snakka i mobiltelefon, medan to andre fekk gebyr for å ha køyrt utan bilbelte.
Artikkelen held fram under annonsen.
Seinare på kvelden flytta utrykkingspolitiet seg til Gol og målte farten til bilistane i ei 80-sone. Her vart det skrive ut til saman sju forenkla førelegg på fart. Den høgste farten vart målt til 115 km/t. Det er politiet som melder dette på Twitter.
